Պատգամավորները վիճարկել են ԵԽԽՎ-ում ռուսական պատվիրակության լիազորությունները

Պատգամավորները վիճարկել են ԵԽԽՎ-ում ռուսական պատվիրակության լիազորությունները, հարցն ավելի ուշ կքննարկի հատուկ հանձնաժողովը: Այդ մասին հայտնում է РИА Новости-ի թղթակիցը:

Ավելի վաղ Yerkir.am-ը տեղեկացրել է, որ ԵԽԽՎ-ն երեկ կայացած նիստում կողմ քվեարկեց կանոնակարգային կոմիտեի ղեկավար Պետրա դե Սուտերի զեկույցին, որում բանաձև է ներառված, որը թույլ է տալիս Ռուսաստանին մասնակցել հունիսյան նստաշրջանին: Կողմ է քվեարկել 118 պատգամավոր, դեմ` 62-ը, 10-ը ձեռնպահ են մնացել:

Դրանից հետո ՌԴ-ն  ԵԽԽՎ աշխատանքներին մասնակցելու հայտ է ներկայացրել:

 Հիշեցնենք, որ ռուսական պատվիրակությունը 2014-ի ապրիլին Ուկրաինայում իրադարձությունների հետ կապված զրկվել է քվեարկության իրավունքից: