Մարսի մթնոլորտում հսկայական ծավալով մեթան է հայտնաբերվել. NASA

NASA-ն (ԱՄՆ տիեզերական տարածության հետազոտման ազգային վարչություն) իր պաշտոնական կայքէջում հայտարարություն է տարածել, որի համաձայն` կազմակերպությունը հավաստիացնում է, որ Մարս մոլորակի մթնոլոտում մեթան է հայտնաբերվել:

Թեմային ավելի վաղ անդրադարձել էր նաև New York Times ամերիկյան պարբերականը:

Լրատվամիջոցի տեղեկություններով` NASA-ի մարսագնացը հունիսի 19-ին կատարած չափումների ընթացքում հսկայական ծավալի մեթան է հայտնաբերել Կարմիր մոլորակի մթնոլորտում: Հետագայում մարսագնացն ամերիկյան ազգային վարչությունից ստացել է այլ չափումներ կատարելու հրահանգներ: Նշվում է նաև, որ այդ դիտարկումների արդյունքներն Երկիր մոլորակ կհասնեն այսօր` հունիսի 24-ին:

Այս հայտնագործությունը կարող է նախանշել, որ մոլորակում միկրոօրգանիզմներ կարող են լինել: