Ինչպես՞ կարելի է այդպես` անասունի պես վարվել. Նավալնին` Պուտինի որոշման մասին

Ռուս հայտնի ընդդիմադիր գործիչ Ալեքսեյ Նավալնին իր թվիթերյան էջում  Կրեմլի` դեպի Վրաստան թռիչքները ժամանակավորապես արգելելու որոշումը որակել է որպես Վրաստանին ցույցերի համար պատժելու փորձ:

Նա նաև կարծում է, որ կտուժեն ռուս զբոսաշրջիկները:

«Ինչո՞ւ է Պուտինը պատժում ռուսաստանցիներին վրացական ցույցերի համար:  Չէ՞ որ մարդիկ ընտրել են մատչելի հանգիստ: Գինի ըմպել, խորոված ուտել: Իսկ այժմ նրանց ասում են` շտապ հետ վերադարձեք, այլևս օդանավեր չեն լինի: Ինչպե՞ս կարելի է այդպես` անասունի պես վարվել»,-գրել է Նավալնին:

Հիշեցնենք, որ երեկ ՌԴ նախագահ Վլադիմիր Պուտինը հրաման է ստորագրել, որով արգելվում է ռուսական ավիաընկերություններին, հուլիսի 8-ից սկսած, փոխադրումներ իրականացնել Ռուսաստանից Վրաստան: Պուտինը նաև հանձնարարել է համապատասխան մարմիններին՝ ապահովել Վրաստանից վերադարձող ռուս քաղաքացիների անվտանգությունը: