Ադրբեջանում թուլացել է թրաֆիքինգի դեմ պայքարը. զեկույց

ԱՄՆ պետքարտուղարությունը հունիսի 20-ին հրապարակել է զեկույց 2019 թ. աշխարհում մարդկանց առևտրի վերաբերյալ:

Զեկույցում նշված է, որ ադրբեջանական իշխանությունների պայքարը թրաֆիքինգի դեմ չի համապատասխանում նվազագույն պահանջներին: Նշվում է, որ, նախորդ տարիների համեմատ, թուլացել են իշխանությունների գործողությունները, իսկ դատարաններն էլ թրաֆիքինգի մեջ մեղադրվողների նկատմամբ կայացնում են պայմանական դատավճիռներ: Բացի այդ` երկրում բանվորները ստիպողաբար ցածր աշխատավարձով աշխատում են բամբակի դաշտերում. հաղորդում է «Թուրան» գործակալությունը:

Ադրբեջանը ներառվել է հատուկ վերահսկողության տակ գտնվող երկրորդ խմբի երկրների շարքում: Բացի Ադրբեջանից, այդ խմբում են նաև Աֆղանստանը, Կոնգոն, Իրաքը, Ղազախստանը, Ղրղզստանը և Ուզբեկստանը, իսկ Եվրոպայից` միայն Հունգարիան: