Իրանը հույս ունի, որ միջուկային գործարքի մասնակիցները կհետևեն իրենց պարտականություններին

Իրանը հույս ունի, որ իրանական միջուկային գործարքի մյուս մասնակիցները կհետևեն իրենց պարտականություններին: Այդ մասին РИА Новости-ին ասել է Իրանի ազգային անվտանգության բարձրագույն խորհրդի քարտուղար Ալի Շամհանին:

«Հույս ունեմ, որ մյուս երկրները նույնպես կհետևեն իրենց պարտականություններին, որպեսզի մենք միասին կարողանանք այնպիսի պատասխան տալ իրանցիներին, որ նրանք գոհ լինեն»,- ասել է նա:

Ըստ Շամհանիի` եթե մյուս երկրները չկատարեն իրենց պարտականությունները, Իրանը  համաձայնագրով նախատեսված օրինական մեխանիզմների շրջանակում քայլ առ քայլ կկրճատի իր պարտականությունները:

Նա նաև ասել է, որ Ռուսաստանի կամ այլ երկրի միջնորդության հարցը ԱՄՆ-ի հետ բանակցություններում առկա չէ: