Խաղաղության համաշխարհային ինդեքսում Հայաստանը 118-րդն է

Ավստրալիայի Սիդնեյ քաղաքում տեղակայված «Տնտեսության և խաղաղության ինստիտուտը» (Institute for Economics & Peace (IEP)) , հրապարակել է «Խաղաղության համաշխարհային ինդեքս» զեկույցը, որում Հայաստանը 118-րդ հորիզոնականում է և 3 հորիզոնականով բարելավել է իր դիրքերը:

Մեր հարևան պետություններից Վրաստանը 99-րդ հորիզոնականում է, Ադրբեջանը` 130-րդ, Իրանը` 139-րդ, Թուրքիան` 152-րդ:

Ամենախաղաղասեր երկիրը Իսլանդիան է, նրան հաջորդում են Նոր Զելանդիան, Պորտուգալիան, Ավստրիան, Դանիան:

Ռուսաստանը գտնվում է 154-րդ, ԱՄՆ-ը` 128-րդ, Չինաստանը` 110-րդ հորիզոնականներում:

Ցուցակը եզրափակում է Աֆղանստանը, որին նախորդում է Սիրիան:

Նշենք, որ հասարակության անվտանգության ինդեքսում Հայաստանն առաջատարն է տարածաշրջանում: