«Սորոսի գրասենյակը» ստիպել է Արտակ Զեյնալյանին հրաժարական տալ. Նարեկ Մալյան

Ինչպես տեղեկացրել էինք, այսօր «Բաց հասարակությունների հիմնադրամի» գրասենյակի դիմաց բողոքի ակցիա է իրականացրել ՎԵՏՕ նախաձեռնությունը` Նարեկ Մալյանի գլխավորությամբ: Նա լրագրողների հետ զրույցում ասաց, որ արդարադատության նախկին նախարար Արտակ Զեյնալյանը հրաժափվել է կատարել  «Բաց հասարակության հիմնադրամներ» գրասենյակի պահանջները, ինչի արդյունքում հիմնադրամի ղեկավար Լարիսա Մինասյանը ստիպել է Արտակ Զեյնալյանին հրաժարական ներկայացնել: Ավելին, ըստ Մալյանի, Սորոսի գրասենյակը պահանջում է վարչապետից, որ Հայաստանում արդարադատության նախարար նշանակվի Ռուստամ Բադասյանը: Վերջինս էլ ասել է, որ ինքը պատրաստ է կատարել Սորոսի ցանկացած հրահանգը:

Այնուհետ շարժման մասնակիցները, շարունակելով իրենց բողոքի ակցիան, «Բաց հասարակությունների հիմնադրամի» գրասենյակի դիմաց կեղծ դոլարներ բաժանեցին:

«Երկիր ծախողներին, քրիստոնեություն ծախողներին, ընտանիքի մոդել փոխողներին կանչում ենք այստեղ, որ ստանան իրենց դոլարները:Կոչ եմ անում բոլորին, որ գան վերցնեն, մի գուցե կշտանան: Լիքը ունենք, բոլորիդ կհասնի»,- ասաց շարժման մասնակիցներից մեկը: