Իվանիշվիլին է ստիպել Կվիրիկաշվիլիին հրաժարական տալ. Սահակաշվիլի

«Վրացական երազանք»-ի հիմնադիր, միլիարդատեր Բիձինա Իվանիշվիլին ստիպել է վարչապետ Գեորգի Կվիրիկաշվիլիին լքել պաշտոնը` պատժելով Մառնեուլի բնակչին: Նման կարծիք հայտնել է Վրաստանի նախկին ղեկավար Միխեիլ Սահակաշվիլին. հայտնում է newsgeorgia.ge-ն:

Սահակաշվիլին կարծում է, որ վարչապետի պաշտոնանկության մասին Իվանիշվիլին բարձրաձայնել է դեռևս հունիսի 12-ին` իշխող կուսակցության հանդիպման ժամանակ: Կվիրիկաշվիլին չի ցանկացել  հրաժարական տալ Իվանիշվիլիի պահանջով, սակայն երեկոյան իրավիճակը փոխվել է: Ըստ Սահակաշվիլիի` առիթը դարձել է տեսանյութը, որում երևում էր`ինչպես են ծաղրել Մառնեուլի բնակչին, ով ոչ կոռեկտ էր արտահայտվել Բիձինա Իվանիշվիլիի և Մառնեուլի` ազգությամբ ադրբեջանցի քաղաքապետ Թեմուր Աբազովի հասցեին: Նրան ստիպել են հրապարակայնորեն ներողություն խնդրել, ջղայնանալ կնոջ վրա և լվացվել սեփական մեզով:

Հիշեցնենք, որ երեկ մենք հայտնել ենք, որ Աբազովը ձերբակալվել է: