Կլիչկոն առաջարկել է Սահակաշվիլիին` գլխավորել իր կուսակցությունը

Կիևի քաղաքապետ, «Ուդար» կուսակցության առաջնորդ Վիտալի Կլիչկոն հայտարարել է, որ իր կուսակցությունը մտադիր է մասնակցել Գերագույն ռադայի ընտրություններին, նաև  Օդեսայի նախկին նահանգապետ, Վրաստանի նախկին նախագահ Միխեիլ Սահակաշվիլիին առաջարկել է գլխավորել այդ կուսակցությունը: Այդ մասին նա հայտնել է իր ֆեյսբուքյան էջում տեսաուղերձի ժամանակ:

Իր առաջարկը նա բացատրել է  այն բանով, որ Սահակաշվիլիի «Նոր ուժերի շարժում» կուսակցության համար խոչընդոտներ են ստեղծվել` ընտրություններին մասնակցելու առումով:

«Ես մնում եմ «Ուդար» կուսակցության առաջնորդը, իսկ Սահակաշվիլիին առաջարկում եմ դառնալ կուսակցության ղեկավար»,- ասել է Կլիչկոն: