Կրասնոդարի փողոցներից մեկն անվանվել է Խորհրդային Միության հերոս Հրանտ Ավագյանի պատվին

ՌԴ Կրասնոդարի քաղաքակային դումայի որոշմամբ՝ Պրիկուբանսկի շրջանի նոր բնակելի զանգվածում 13 փողոց անվանվել է Հարենական մեծ պատերազմի հերոսների պատվին. հայտնում է Русарминфо-ն:

Փողոցներից մեկն կրելու է Հայրենական մեծ պատերազմի մասնակից, Խորհրդային Միության հերոս Հրանտ Ավագյանի անունը:

1945-ի ապրիլի 16-ին լեյտենանտ Ավագյանը մոտեցել է տանը, որտեղ հիտլերականներ էին գտնվում, և երեք նռնակ նետել պատուհանից: Դրանից հետո տան մոտակայքում հրաձգություն է սկսվել նրա և ֆաշիստների միջև: Մարտի ժամանակ ընկերների հետ նրան հաջողվել է 56 հիտլերականի վերացնել և ևս 14-ին գերի վերցնել: Հերոսության համար Հրանտ Ավագյանն արժանացել է Խորհրդային Միության հերոսի կոչման և տարբեր շքանշանների:

Հրանտ Ավագյանը մահացել է 2017-ի փետրվարի 28-ին: