Դա մեր հաղթանակն է և Ռուսաստանի պարտությունը. Զուրաբիշվիլի

Չնայած Ռուսաստանի կողմից Վրաստանի տարածքի օկուպացմանը` մեր երկրի տնտեսությունը և ժողովրդավարությունը դարձյալ զարգանում են: Այս մասին Տալլինում Էստոնիայի նախագահի հետ համատեղ մամուլի սուլիսում ասել է Վրաստանի նախագահ Սալոմե Զուրաբիշվիլին. հայտնում է Грузия-Онлайн-ը:

«Եթե ՌԴ-ի նպատակն էր արգելափակել այդ ուղին, ապա նրանք այդ նպատակին չեն հասել: Դա մեր հաղթանակն է և նրանց պարտությունը: Դա մեր ընդհանուր հաղթանակն է այն երկրների հետ, որոնք աջակցել և շարունակում են աջակցել մեզ: Մենք շնորհակալ ենք ձեզ այն բանի համար, որ դուք չեք մոռանում Վրաստանի օկուպացված տարածքների մասին և հիշեցնում եք ՌԴ-ին ստանձնած պարտավորությունների խախտման մասին, ինչը չի համապատասխանում միջազգային իրավունքին»,- ասել է նա: