Ադրբեջանն ավելացնում է սահմանապահների թիվը Վրաստանի հետ սահմանին

Ադրբեջանն ավելացրել է սահմանապահների թիվը միջնադարյան Դավիդ Գարեջիի վանական համալիրի տարածքում. հղում անելով վրացական աղբյուրներին` նշում է haqqin.az կայքը:

«Նախկինում սահմանապահներն ընդամենը երկուսն էին: Այսքան շատ նրանք դեռևս չէին եղել: Իսկ այժմ թիվն արդեն հասել է 18-ի»,- նշել է վանական համալիրի հոգևոր առաջնորդ Կիրիոնը:

Նշենք, որ ապրիլի 25-ին վրացական կողմը հայտարարել է, որ ադրբեջանցի սահմանապահները փակել են Դավիդ Գարեջիի վանական համալիր տանող ճանապարհը: Ադրբեջանի ԱԳՆ մամլո խոսնակ Լեյլա Աբդուլայեվան հայտարարել է, որ Ադրբեջանը մշտապես հանդես է եկել վրաց-ադրբեջանական սահմանի սահմանագծման աշխատանքների` կարճ ժամանակահատվածում ավարտելուն:

Կիրիոնը հավելել է, որ ներկայումս զբոսաշրջիկներն ու ուխտավորները չունեն տեղաշարժի հետ կապված խնդիրներ, սակայն չի բացառել, որ մայիսի 5-ին կրկին կփակեն ճանապարհները: