Նեթանյահուն շնորհակալություն է հայտնել Թրամփին

Իսրայելի վարչապետ Բինյամին Նեթանյահուն ողջունել է ԱՄՆ-ի՝ Իրանի Իսլամական հեղափոխության պահակազորը «օտարերկրյա ահաբեկչական կազմակերպություն» ճանաչելու մասին որոշումը. հաղորդում է BBC-ն:

«Շնորհակալություն եմ հայտնում իմ սիրելի բարեկամին՝ նախագահ Դոնալդ Թրամփին՝ Իրանի Իսլամական հեղափոխության պահակազորն ահաբեկչական կազմակերպություն ճանաչելու համար: Շնորհակալ եմ այս կարեւոր հարցին անդրադառնալու համար, որը համընկնում է մեր եւ տարածաշրջանի երկրների շահերին: Մենք կշարունակենք ամեն կերպ համագործակցել իրանական վարչակարգին դիմակայելու գործում, որը սպառնում է Իսրայել պետությանը, ԱՄՆ-ին եւ ամբողջ աշխարհին»,- «Twitter»-ի իր միկրոբլոգում գրել է Իսրայելի վարչապետը: