Մանկապատանեկան պարբերականների խմբագիրները վրդովված են

Մանկապատանեկան մի քանի պարբերականներ տարիներ շարունակ պետությունից ստացել են ֆինանսավորում, սակայն այս տարի որոշվել է գումարը տրամադրել մրցույթի միջոցով: Ըստ արդյունքների՝ նախադպրոցական եւ կրտսեր դպրոցական տարիքի երեխաների համար տպագրվող պարբերականների ցանկում առաջին տեղը զբաղեցրել է «Լուսապսակ»-ը, իսկ միջին եւ ավագ տարիքի դպրոցականների համար՝ «Մարի հրատարակչություն»-ն ու «Ոսկե խատուտիկ»-ը:

Տասնամյակների պատմություն ունեցող «Կանչ», «Աղբյուր», «Ծիծեռնակ» պարբերականների խմբագիրները վրդովված են: Հիշեցնում են՝ 1990 թվականից մանկապատանեկան պարբերականները, Գերագույն խորհրդի նախագահության հատուկ որոշմամբ, պետական հովանավորության ներքո էին եւ տարիներ շարունակ ուղղակի ֆինանսավորում էին ստանում: