Թուրքիայի ընտրության արդյունքները բոլոր պոպուլիստ առաջնորդների համար պետք է դաս լինեն

Գերմանական Rheinpfalz պարբերականը, անդրադառնալով Թուրքիայում տեղի ունեցած ՏԻՄ ընտրությունների արդյունքներին, գրում է, որ դրանք բոլոր պոպուլիստ առաջնորդների համար պետք է դաս և նախազգուշացում լինեն. հայտնում է Deutsche Welle-ի թուրքական ծառայությունը:

«Ստամբուլի և Անկարայի բնակչությունը կազմում է Թուրքիայի ընտրողների 1/3-ը: Այս քաղաքները տարիներով իսլամական-պահպանողական քաղաքական գործիչների կողմից էին ղեկավարվում: Մինչև անցյալ կիրակի: Էրդողանն իր քաղաքական երկար կարիերայի ընթացքում  առաջին անգամ պարտություն է կրել իր իսկ վարած քաղաքականության պատճառով: Առաջին անգամ չկարողացավ ընտրողի սիրտը շահել: Մեծագույն պոպուլիստ համարվող Էրդողանն այս անգամ պարտություն կրեց: Այս պարտությունը պետք է դաս լինի պոպուլիզմով զբաղվող այլ առաջնորդների համար», - գրում է թերթը: