Թուրքիան շարունակելու է աջակցել Մադուրոյին. Չավուշօղլու

Թուրքիայի արտաքին գործերի նախարար Մևլութ Չավուշօղլուն, անդրադառնալով Վենեսուելայում շարունակվող ճգնաժամին, հայտարարել է. «Վենեսուելայում տեղի ունեցող ցանկացած բացասական դրություն ազդում է Լատինական Ամերիկայի և նույնիսկ` Կարիբյան կղզիների վրա: Մենք շարունակելու ենք աջակցել Վենեսուելային, դրա օրինական ընտրված իշխանությանը»,- ըստ «Անադոլու» գործակալության` ասել է նա:

Չավուշօղլուն նաև անդրադարձել է երկրում տեղի ունեցած ՏԻՄ ընտրություններին: Նա, հայտնելով իր տխրությունը հարազատ Անթալիայում սեփական կուսակցության պարտության կապակցությամբ, նշել է, որ քաղաքացիները քվեարկել են Թուրքիայի անվտանգության և կայունության համար, որի արդյունքն իր կուսակցության հաղթանակն է: