Թուրքիայի 6 խոշոր քաղաքներից 4-ում Էրդողանը պարտվել է

Չնայած Թուրքիայում կայացած ՏԻՄ ընտրություններում տարած հաղթանակին` Ռեջեփ Թայիփ Էրդողանի ղեկավարած «Արդարություն և զարգացում» կուսակցությունը Թուրքիայի 6 խոշոր քաղաքներից 4-ում` Իզմիրում, Անկարայում, Ադանայում և Այդընում, պարտություն է կրել: Հաղթել է միայն Բուրսայում: Իսկ Ստամբուլում դեռևս շարունակվում են հաշվարկները: ԱԶԿ թեկնածու Բինալի Յըլդրըմի և Հանրապետական-ժողովրդական կուսակցության թեկնածու Էքրեմ Իմամօղլուի միջև ձայների տարբերությունը կազմել է 3.870 քվե: Ըստ Թուրքիայի Բարձրագույն ընտրական հանձնաժողովի` ցուցանիշները դեռևս վերջնական չեն:

Էրդողանի իշխանության գալուց հետո սա առաջին դեպքն է, երբ իշխանության համար կարևոր Ստամբուլ քաղաքում նա նման չնչին առավելություն է ստացել: