Բեռլինում Ադրբեջանի դեսպանության առջև ռեժիմի հրաժարականի պահանջով ցույց է տեղի ունեցել

Այսօր Բեռլինում Ադրբեջանի դեսպանության առջև ադրբեջանցի քաղաքական փախստականները բողոքի ցույց են իրականացրել` պահանջելով Ադրբեջանում քաղբանտարկյալների ազատ արձակում, իշխող «ընտանեկան ռեժիմի» հրաժարական, ինչպես նաև ավտորիտար ռեժիմի վերացում. հաղորդում է «Թուրան» գործակալությունը:

Ակցիայի մասնակիցները հայտարարել են, որ նմանատիպ ցույցեր տեղի են ունենալու եվրոպական բոլոր երկրներում Ադրբեջանի դեսպանատների դիմաց, մինչև որ ազատ արձակվեն 85 քաղբանտարկյալները:

Քաղաքական փախստականները պահանջում են վերջ դնել Ադրբեջանում առկա կոռուպցիային և պաշտոնյաների կամայականություններին: Մասնակիցները նաև մեղադրել են իշխող ռեժիմին Ղարաբաղյան հակամարտության լուծման անընդունակության և ցանկության բացակայության մեջ` սեփական գոյությունը պահպանելու նպատակով: