Ազգությամբ հայ փաստաբան Մարկ Գերագոսը մեղադրվում է դրամաշորթության մեջ կասկածվող փաստաբանին հանցակցելու մեջ

Ազգությամբ հայ ամերիկացի փաստաբան Մարկ Գերագոսը բավականին երկարատև կարիերա է ունեցել` ներկայացնելով բարձրաստիճան հաճախորդների, ինչպիսիք են Մայքլ Ջեքսոնը, Քոլին Կապերնիքը և Ջեսսի Սմոլեթը: Սակայն այժմ Գերագոսը հնարավոր է ինքն ունենա պաշտպանի կարիք, քանի որ մեղադրվում է դրամաշորթության մեջ կասկածվող փաստաբան Մայքլ Ավենատիին հանցակցելու մեջ:

Ավանտին  կասկածվում է «Նայք» հանրահայտ ընկերությունից 25 միլիոն ԱՄՆ դոլար շորթելու մեջ. տեղեկացնում է Associated Press-ը` հավելելով, որ փաստաբանը չի պատասխանել ԶԼՄ-ներում հայտնված տեղեկությունները մեկնաբանելու խնդրանքներին:

AP-ն նշում է նաև, որ CNN հեռուստաընկերությունը, որի հետ Գերագոսը համագործակցել է երկար տարիներ, հրաժարվել է նրա ծառայություններից գործի հետ նրա առնչության մասին տեղեկությունից անմիջապես հետո։