ԵԽԽՎ նախագահը պաշտոնական այցով կժամանի Հայաստան

ԵԽԽՎ նախագահ Լիլիան Մորի Պասկիեն պաշտոնական այցով կժամանի Հայաստան մարտի 26-28-ը։ Այս մասին տեղեկացնում են ԵԽԽՎ մամուլի ծառայությունից:

Այցի ընթացքում նա կհանդիպի Հայաստանի նախագահի, վարչապետի, Ազգային ժողովի նախագահի, արտաքին գործերի և աշխատանքի ու սոցիալական հարցերի նախարարների հետ։ Նախատեսված են նաև հանդիպումներ քաղաքական կուսակցությունների առաջնորդների, խորհրդարանական հանձնաժողովների ներկայացուցիչների, ինչպես նաև ԵԽԽՎ-ում հայկական պատվիրակության անդամների հետ։

Պասկիեն նաև կմասնակցի գենդերային հարցերին նվիրված կլոր սեղանին` մարդու իրավունքների պաշտպանի և քաղաքացիական հասարակության ներկայացուցիչների հետ։

ԵԽԽՎ նախագահի մամուլի ասուլիսը տեղի կունենա խորհրդարանում մարտի 27-ին։