Աթաթուրքին Անգլիայի լրտես անվանած թուրք ուսուցչի նկատմամբ հետաքննություն է սկսվել

Անկարայի դպրոցներից մեկում ուսուցիչներից մեկն իր պատրաստած արձանագրության մեջ Թուրքիայի հիմնադիր Մուսթաֆա Քեմալ Աթաթուրքի հասցեին վիրավորական արտահայտություններ է արել. հաղորդում է cumhuriyet.com.tr կայքը: Մասնավորապես նշել է. «Աթաթուրքն աթեիստ է, Անգլիայի լրտես: Հայրը հայտնի է, թե ով է եղել, բայց պապի` ով լինելը հայտնի չէ»:

Քեմալական գաղափարախոսությանը հարող շրջանում մեծ դժգոհություն է առաջացրել այս հանգամանքը: Նրանք հայտարարում են, որ, եթե այդ արտահայտությունը Էրդողանի հասցեին արվեր, ապա անմիջապես կձերբակալեին ուսուցչին:

Ոստիկանությունն ու գավառի կրթության տնօրինությունը հետաքննություն են սկսել ուսուցչի նկատմամբ, որը, ըստ կայքի տեղեկությունների, փոխել է բնակության վայրն ու դպրոցը: