Թուրք հայտնի ֆուտբոլիստի նկատմամբ հետաքննություն է սկսվել

Ստամբուլի հանրապետական գլխավոր դատախազությունը հետաքննություն է սկսել 2000-ականներին բավական հայտնի թուրք ֆուտբոլիստ Էմրե Բելյոզօղլուի նկատմամբ` կասկածելով նրան գյուլենակաների հետ կապ ունենալու մեջ. հայտնում է takvim.com.tr կայքը:

Դատախազությանը ցուցմունք տված «Մերտ» անունով գաղտնի վկան պնդում է, որ Բելյոզօղլուն անցած տարվա դեկտեմբերի 17-25-ին «Ասիա բանկ» է պահպանության դրել 2 մլն թուրքական լիրա: Վկան նշում է, որ ֆուտբոլիստը դա արել է մաս-մաս և տարբեր մարդկանց միջոցով: Դատախազությունը որոշում է կայացրել հետաքննել Բելյոզօղլուի բանկային հաշիվները:

Ոստիկանության զեկույցի մեջ նշվում են ևս մի քանի ֆուտբոլիստների անուններ` Արդա Թուրան, Հաքան Ունալ և  Բյուլենթ Քորքմազ:

Նշենք, որ Բելյոզօղլուն խաղացել է «Ինտեր»-ում և «Աթլետիկո»-ում: