Թուրքիայում երկրաշարժի հետևանքով տներ են փլուզվել

Թուրքիայում այսօր` ժամը 09:38 –ի սահմաններում, տեղի է ունեցել 5.5 բալ ուժգնությամբ երկրաշարժ: Նախապես Եվրոպայի երկրաշարժների հետազոտության կենտրոնը հաղորդել էր 6.4 մագնիտուդով երկրաշարժի մասին:

Երկրաշարժի էպիկենտրոնը գտնվում է Դենիզլի նահանգում: Երկրաշարժից հետո տեղի է ունեցել 28 ցնցում ևս: Ցնցումները զգացվել են Իզմիրում, Անթալիայում, Այդընում, Բուդուրում. հաղորդում է BBC-ի թուրքական ծառայությունը:

Երկրաշարժի հետևանքով Դենիզլի նահանգի Աջըփայամ գավառում  մոտ 50 տուն է փլուզվել, ինչի հետևանքով 3 մարդ վիրավորվել է: Փլուզումների հետևանքով նաև հրդեհներ են բռնկվել:

Առավոտյան ժամերին Դենիզլիում և հարակից նահանգներում դասերը դադարեցվել են, բազմաթիվ շենքերում տեղի են ունեցել տարհանումներ: