Թուրք-իրանական սահմանին համատեղ օպերացիա կիրականացվի

Թուրք-իրանական սահմանին որոշ ակտիվություն ցուցաբերող Քրդական բանվորական կուսակցության դեմ Թուրքիան և Իրանը համատեղ օպերացիա են նախապատրաստում. հաղորդում է ensonhaber.com կայքը::  

Իրանի ներքին գործերի փոխնախարար Հուսեյն Զյուլֆիքարին Թեհրանում կայացած մամլո ասուլիսի ժամանակ հայտարարել է, որ, Իրանի սահմանային անվտանգության նկատառումներից ելնելով, պատրաստվում են Թուրքիայի հետ համատեղ սահմանային անվտանգությանն ուղղված քայլեր ձեռնարկել:

Իր հերթին, Թուրքիայի ներքին գործերի նախարար Սուլեյման Սոյլուն մարտի 6-ին հայտարարել էր. «Իրանցիները եկան, գնահատականներ տվեցինք: Փառք Աստծո, միասին օպերացիա ենք իրականացնելու: Առաջին անգամ եմ դա ասում: Իրանի հետ ՔԲԿ-ի դեմ ենք օպերացիա իրականացնելու: Համատեղ օպերացիա իրականացնելը երկար ժամանակ Թուրքիայի դիրքորոշումն է եղել»: