Նոր Զելանդիայի ահաբեկչության ականատեսը պատմել է մանրամասներ

Նոր Զելանդիայի Քրայստերչ քաղաքում տեղի ունեցած հրաձգության ականատեսներից մեկը` Աբդուլ Ազիզը, պատմել է, թե ինչպես է փորձել իր վրա սևեռել հանցագործի ուշադրությունը. տեղեկացնում է տեղեկացնում է РИА Новости-ն: Աբդուլ Ազիզը տաճարում է եղել այդ պահին իր չորս երեխաների հետ միասին: Հրաձգության պահին նա դուրս է եկել տաճարից, որպեսզի դիմադրություն ցույց տա հանցագործին: Նա դեպի հանցագործն է նետել ձեռքին գտնվող սարքավորումը, հանցագործը Աբդուլ Ազիզի ուղղությամբ կրակ է բացել:

«Նա ևս մի զենք վերցրեց, ուղղեց իմ դեմ և սկսեց կրակել, բայց ես մեքենաների միջև կարողացա թաքնվել ու փախչել: Ես ուզում էի, որ նա հետևի ինձ դեպի ավտոկայանատեղի, քանի որ դա կփրկեր մեծ թվով մարդկանց  զոհվելուց»,- պատմել է նա:

Նոր Զելանդիայի Քրայսթչերչ քաղաքի մզկիթներում մարտի 15-ին տեղի է ունեցել հրաձգություն, որը երկրի վարչապետ Ջասինդա Արդեռնը ահաբեկչական գործողություն է անվանել: