Պաշտոնական Բաքուն դեռ չի արձագանքել ՌԴ ԱԳՆ-ի նախազգուշացմանը

ՌԴ ԱԳՆ  պաշտոնական ներկայացուցիչ Մարիա Զախարովայի  ավանդական ճեպազրույցի ժամանակ հայ լրագրողը հետաքրքվել է` պաշտոնական Բաքուն արձագանքե՞լ է ՌԴ ԱԳՆ-ի նախազգուշացմանը` ուղղված իր` հայկական ծագումով քաղաքացիներին, որ նրանք կարող են խնդիրների բախվել Ադրբեջանում:

Զախարովան պատասխանել է, որ պաշտոնական պատասխանի մասին իրեն հայտնի չէ, սակայն եղել են ոչ պաշտոնական մեկնաբանություններ մամուլում այն մասին, թե նմանատիպ խնդիրներ առկա են ՌԴ-ի` ծագումով ադրբեջանցի քաղաքացիների համար, որոնք մուտք են գործում Հայաստան:

«Ես շատ զարմացած եմ: Եթե նման դեպքեր կան, մեծ խնդրանք ունեմ, որպեսզի բարձրաձայնեք այդ մասին և մեզ ուղարկեք տվյալ տեղեկությունը»,- հավելել է նա: