Թուրքիայում ուսանողներին պարտադրաբար տանում են Էրդողանի հանրահավաքին

Թուրքիայի նախագահ Էրդողանի մասկանցությամբ`  քրդաբնակ Շըրնաք քաղաքում նախատեսվում է ցույց: Ցույցին մարդկանց բազմություն ապահովելու նպատակով քաղաքի լիցեյի ուսանողներին դասերից ազատում և տեղափոխում են հանրահավաքի վայր: Նախագահի անվտանգությունն ապահովվելու նպատակով քաղաքի մուտքն ու ելքը ոստիկանության կողմից խիստ վերահսկողության տակ է առնվել. հաղորդում է mezopotamyaajansi.com կայքը:

Բացի ուսանողներից, նահանգից և գավառներից մեծ թվով մարդկանց հասարակական տրանսպորտով տանում են ցույցի:

Նշենք, որ Շըրնաք քաղաքը համարվում է ՔԲԿ-ի (Քրդական բանվորական կուսակցության) ազգեցության տակ գտնվող կարևոր կենտրոններից մեկը, և  այստեղ հաճախ են  տեղի ունենում բախումներ թուրքական բանակի հետ: