Ամեն ինչ արվում է` Կարեն Ղազարյանին Հայաստան վերադարձնելու համար. Արտակ Զեյնալյան

Այսօր ԱԺ նիստում կառավարության հետ հարց ու պատասխանի ժամին «Լուսավոր Հայաստան» խմբակցության պատգամավոր Սարգիս Ալեքսանյանը հարց ուղղեց  Ադրբեջանում գերեվարված Կարեն Ղազարյանի մասին: Պատգամավորը նշեց, որ եթե համապատասխան քայլեր չձեռնարկվեն, ապա Կարեն Ղազարյանը կկործանվի, քանի որ նա շատ ծանր վիճակում է: Պատգամավորը հարցրեց արդարադատության նախարար Արտակ Զեյնալյանին, արդյո՞ք կան խնդրի լուծման ուղիներ:

Արտակ Զեյնալյանը նշեց, որ Կարեն Ղազարյանը ոչ թե գերեվարված է, այլ` ձերբակալված, ինչը տարբեր իրավական ռեժիմ է ենթադրում:

«Կարեն Ղազարյանի ներկայացուցիչները ՄԻԵԴ են ներկայացրել գանգատ` պահանջելով հրատապ միջոց ձեռնարկել: Այժմ այդ գանգատը քննվում է: Բացի այդ ՀՀ կառավարությունը գործադրում է բոլոր հնարավոր գործիքները` դիվանագիտական, քաղաքական և հումանիտար, որպեսզի Կարեն Պետրոսյանի կյանքը երաշխավորվի: Մինույն ժամանակ ամեն ինչ արվում է` նրան վերադարձնելու համար»,- ասաց Արտակ Զեյնալյանը: