Չինաստանը փակում է Թուրքիայում իր գլխավոր հյուպատոսությունը

Թուրքիայում Չինաստանի դեսպանությունը հայտարարություն է տարածել Իզմիրի գլխավոր հյուպատոսությունը փակելու վերաբերյալ:

Հայտարարության մեջ, որը տեղադրված է դեսպանության պաշտոնական կայքէջում, նշվում է. «Չինաստանի` Իզմիրի գլխավոր հյուպատոսությունը պաշտոնապես բացվել է 2015 թ. սեպտեմբերին և հսկայական ջանք է ներդրել Չինաստանի և Իզմիրի շրջանի միջև համագործակցության բարելավման ուղղությամբ, դրականորեն ծառայել է  Չինաստանի քաղաքացիներին և չինական ծագում ունեցողներին: Չինական կողմը արտասահմանյան դիվանագիտական և հյուպատոսական ներկայացուցչական կառույցների կարգավորման նպատակով 2019 թ. փետրվարի 28-ին որոշում է կայացրել ժամանակավորապես փակել Իզմիրի գլխավոր հյուպատոսությունը: Հյուպատոսության բոլոր գործերը կփոխանցվեն Անկարայում Չինաստանի դեսպանությանը»:

Նշենք, որ թուրքական մամուլում Չինաստանի այս որոշումը կապում են վերջին մեկ ամսում թեժացած թուրք-չինական հարաբերությունների լարվածության հետ: