Սկրիպալի զարմուհին վստահ է, որ նա արդեն վաղուց մահացել է

Ռուս նախկին լրտես Սերգեյ Սկրիպալի զարմուհին` Վիկտորյա Սկրիպալը, հայտարարել է, որ Սկրիպալն արդեն վաղուց ողջ չէ: Այդ մասին նա պատմել է ФАН-ին:

Վիկտորյան կարծում է, որ  բրիտանական ԶԼՄ-ներում հայտնված տեղեկությունը, թե Սերգեյ Սկրիպալի առողջական վիճակը վատթարացել է, նշանակում է, որ Լոնդոնը  գործը տանում է Սկրիպալի մահվան և հանցանշանների ոչնչացման ուղղությամբ:

«Ամեն ինչ զարգանում է դեռ մեկ տարի առաջ գրված սցենարով: Մեզ ցույց չեն տալիս Սկրիպալներին ` ո’չ առողջին (նկատի ունի Սկրիպալի դստերը` Յուլյային –խմբ.), ո’չ հիվանդին: Եթե Սերգեյին ցույց չեն տալիս, նշանակում է` նա պետք է մահանա»,- ասել է Վիկտորյան:

Հիշեցնենք, որ Սկրիպալների թունավորման մեջ Լոնդոնը մեղադրում է Ռուսաստանին: