Թրամփը մտածել է Վենեսուելա ռազմական ներխուժման մասին. Axios

 ԱՄՆ նախագահ Դոնալդ Թրամփը երկու շաբաթ առաջ մտածել է Վենեսուելա ռազմական ներխուժման մասին: Այդ մասին, ըստ Газета.ру-ի, հայտնում է Axios պարբերականը:

Նշվում է, որ այդ հարցով  նա խորհրդակցել է  հանրապետական սենատոր Լինդսի Գրեմի հետ: «Ի՞նչ եք մտածում ռազմական ուժի կիրառման մասին»,- իբր հարցրել է  Թրամփը:

Հարցը զարմացրել է սենատորին, և նա հայտարարել է, որ ԱՄՆ նախագահը ցանկանում է ամենուրեք ներխուժել: Դրան ի պատասխան` Թրամփն ասել է, որ ցանկանում է կիրառել ռազմական աջակցություն այն դեպքերում, երբ ինչ-որ մեկը սպառնում է ԱՄՆ ազգային անվտանգությանը:

Սակայն նշվում է, որ հիմքեր չկան ենթադրելու, որ Թրամփը իսկապես մտադիր է ներխուժել Վենեսուելա: