Ռուբեն Ռուբինյանի գլխավորած ԱԺ պատվիրակությունը մեկնել է Ստրասբուրգ

Եվրոպայի խորհրդի Խորհրդարանական վեհաժողովի (ԵԽԽՎ) նստաշրջանի առաջին մասի աշխատանքներին մասնակցելու համար, 2019 թվականի հունվարի 20-26-ը ներառյալ, Ստրասբուրգ (Ֆրանսիայի Հանրապետություն) են գործուղվել ԵԽԽՎ-ում ԱԺ պատվիրակության ղեկավար Ռուբեն Ռուբինյանը, պատվիրակության անդամներ Վլադիմիր Վարդանյանը, Նաիրա Զոհրաբյանը, Միքայել Մելքումյանը, Էդմոն Մարուքյանը, Հովհաննես Իգիթյանը, Տաթևիկ Հայրապետյանը և Սոս Ավետիսյանը. տեղեկացնում է ՀՀ ԱԺ մամուլի ծառայությունը:

Ի դեպ,  հունվարի 21-ին կայանալիք նիստի օրակարգային հարցերի շարքում է Հայաստանում 2018թ. դեկտեմբերի 9-ին կայացած արտահերթ խորհրդարանական ընտրությունների դիտարկման արդյունքը: