Բարսեղ Բեգլարյանը հրաժարվում է համաներումից

«Ֆլեշ» ՍՊԸ-ի նախագահ Բարսեղ Բեգլարյանը չի ընդունում իրեն առաջադրված մեղադրանքը, հերքում է, որ բռնություն գործադրելու սպառնալիքով ինքնիրավչություն է կատարել: Նա հրաժարվել է, որ իր նկատմամբ քրեական հետապնդումը դադարեցվի համաներման հիմքով: Այս մասին դատական նիստից հետո ասաց «Ֆլեշ» ՍՊԸ-ի նախագահ Բարսեղ Բեգլարյանի և «Ֆլեշ» ՍՊԸ-ի բազայի պետ Հրայր Հովսեփյանի գործով պաշտպան Կրոմվել Գրիգորյանը: 

Հիշեցնենք, որ ՀՀ քննչական կոմիտեի ԵՔՔՎ Կենտրոն և Նորք-Մարաշ վարչական շրջանների քննչական բաժնում ավարտվել է բռնության գործադրմամբ զուգորդված ինքնիրավչության դեպքի առթիվ հարուցված քրեական գործի նախաքննությունը. մեղադրանք է առաջադրվել «Ֆլեշ» ՍՊԸ-ի նախագահ Բարսեղ Բեգլարյանին և «Ֆլեշ» ՍՊԸ-ի բազայի պետ Հ.Հովսեփյանին։