Արցախի Զինված ուժերը կհամալրվեն ժամանակակից զինտեխնիկայով. Բակո Սահակյան

Արցախի Հանրապետության Զինված ուժերը կհամալրվեն ժամանակակից զինտեխնիկայով։ Այս մասին այսօր՝ դեկտեմբերի 20–ին, խորհրդարանում կայացած լիագումար նիստին ասել է Արցախի նախագահ Բակո Սահակյանը, հաղորդում է «Արցախպրես»–ը։

«Առանձին ուշադրության կենտրոնում եղել եւ մնում են բանակաշինության, անվտանգության, ինչպես նաև քաղաքացիական պաշտպանության ոլորտները: Այսուհետ էլ արվելու է հնարավոր ամեն ինչ բանակի մարտունակության հետևողական բարձրացման, զինված ուժերը ժամանակակից զինտեխնիկայով համալրման, քաղաքացիական պաշտպանության համակարգի ամրապնդման ու արդիականացման, զինծառայողների, վետերանների եւ հաշմանդամների սոցիալական խնդիրների լուծման ուղղությամբ»,– ասել է Բակո Սահակյանը