ՌԴ-ն առանձնակի տեղ է զբաղեցնում Արցախի արտաքին քաղաքականության օրակարգում. Բակո Սահակյան

Այսօր Մոսկվա քաղաքում՝ «Ռեգնում» լրատվական գործակալության կենտրոնական գրասենյակում, տեղի է ունեցել Արցախի Հանրապետության նախագահ Բակո Սահակյանի մամլո ասուլիսը, որին ներկա են եղել ռուսաստանյան առաջատար լրատվամիջոցների ներկայացուցիչներ:

Նախագահ Սահակյանն անդրադարձել է Արցախում պետականաշինության գործընթացին, սոցիալ-տնտեսական զարգացմանը, արտաքին քաղաքականությանն առնչվող թեմաներին, պատասխանել է լրագրողների հարցերին:

Նա ընդգծել է, որ ՌԴ-ն առանձնակի տեղ է զբաղեցնում Արցախի արտաքին քաղաքականության օրակարգում, որը ներառում է պատմական, մշակութային, աշխարհաքաղաքական եւ մարդկային հարաբերությունների լայն շրջանակ: Նախագահ Սահակյանը կարեւորել է նման շփումները՝ դրանք օգտակար համարելով երկկողմ հարաբերությունների զարգացման, Արցախի մասին ճշմարտացի տեղեկություններ ստանալու եւ գործնական կապեր հաստատելու տեսանկյուններից: