Սուդանի նախագահն այցելել է Դամասկոս

Սուդանի նախագահ Օմար Բաշիրը երեկ այցելել է Սիրիայի մայրաքաղաք Դամասկոս:

Ըստ Aztagdaily-ի` նա հանդիպել է Սիրիայի նախագահ Բաշար ալ Ասադի հետ: Կողմերը քննարկել են երկկողմանի հարաբերությունները, ինչպես նաև Սիրիայում և տարածաշրջանում տեղի ունեցող զարգացումները:

Սուդանի նախագահը հույս է հայտնել, որ Սիրիան հնարավորինս շուտ կվերստանձնի տարածաշրջանում իր դերակատարությունը:

Բաշիրը վերահաստատել է, որ Սուդանը կանգնած է Սիրիայի և նրա անվտանգության կողքին և պատրաստ է Սիրիայի տարածքային ամբողջականության համար տրամադրել հարկ եղած աջակցությունը:

Բաշար ալ Ասադն իր հերթին ընդգծել է, որ արաբական մի շարք երկրների` Արևմուտքին ապավինելը որևէ բարիք չի բերելու նրանց  ժողովուրդներին:

Նշենք, որ Սուդանի նախագահն առաջին արաբ ղեկավարն է, որ սիրիական ճգնաժամի շրջանակներում այցելել է Դամասկոս: