Արմեն Գևորգյանին կալանավորել-չկալանավորելու վճիռը` վաղը

Հայտնել էինք, որ Երևանի ընդհանուր իրավասության դատարանի Նոր Նորքի նստավայրում ընթանում է ԱԱԽ նախկին քարտուղար, նախագահի աշխատակազմի նախկին ղեկավար, նախկին փոխվարչապետ Արմեն Գևորգյանի նկատմամբ խափանման միջոց կիրառելու հարցի քննությունը:

Գևորգյանի փաստաբան Էրիկ Ալեքսանյանը նիստի ավարտից հետո լրագրողների հետ զրույցում նշեց, որ միջնորդության վերաբերյալ որոշումը դատարանը կհրապարակի վաղը՝ դեկտեմբերի 14-ին:

Ալեքսանյանը տեղեկացրեց, որ Գևորգյանը դատարանում հանդես է եկել հայտարարությամբ, որի բովանդակությունը հրաժարվեց հրապարակել: «Եթե դատարանը մերժի կալանքի մասին միջնորդությունը, ապա Գևորգյանն այդ հայտարարությունը կներկայացնի հանրությանը և բոլոր պարզաբանումները կտա: Եթե դատարանը Գևորգյանի կալանավորման համար գտնի հիմքեր, մենք նաև գրավի միջնորդություն ենք ներկայացրել: Գրավի չափը չենք նշել, դա թողել ենք դատարանի հայեցողությանը»,- ասաց պաշտպանը: