Բեռլինն ու Փարիզը համաձայնեցրել են Իրանի հետ առևտրի հատուկ ֆինանսական մեխանիզմ

Բեռլինն ու Փարիզը համաձայնեցրել են Իրանի հետ առեւտրի հատուկ ֆինանսական մեխանիզմ. տեղեկացնում է alikonline.ir-ը՝ վկայակոչելով  գերմանական Wirtschaftswoche պարբերականը:

Նշվում է, որ մեխանիզմը շուտով գործարկվելու է, եւ դրան են միանալու ԵՄ անդամ մի քանի երկրներ: Ըստ պարբերականի՝ Իրանի հետ առեւտրի հատուկ ֆինանսական մեխանիզմի գրասենյակը տեղակայված է լինելու Ֆրանսիայում, իսկ այն ղեկավարելու է Գերմանիայի ներկայացուցիչը: Համակարգը ֆինանսավորվելու է հենց այս երկրների կողմից:

ԵՄ առաջատար երկու երկրից բացի, մեխանիզմին են միանալու նաեւ Մեծ Բրիտանիան, Իտալիան, Իսպանիան, Ավստրիան, Բելգիան, Հոլանդիան եւ Լյուքսեմբուրգը: Նախատեսվում է, որ հետագայում այս մեխանիզմին կմիանան եւս մի քանի երկրներ, այդ թվում` Չինաստանը: