Ամուլսարի հանքում վստահելի փորձաքննություն կանցկացվի. Փաշինյան

Այսօր իր հերթական քարոզարշավներից մեկի ժամանակ վարչապետի պաշտոնակատար Նիկոլ Փաշինյանը անդրադարձավ Ամուլսարի հանքավայրի խնդրին:Նրա խոսքով` խնդիրն այն է, որ Ամուլսարի հանքի շահագործումը սպառնալիք է կրում Ջերմուկի ջրային համակարգի և Սևանա լճի համար: Փաշինյանը հայտարարեց, որ կառավարությունը մրցույթ է հայտարարելու, որպեսզի  համաշխարհային բարձր մակարդակի ընկերություններից մեկը վստահելի փորձաքննություն անցկացնի:

 Մենք չունենք որևէ անձնական բնույթի շահագրգռություն հարցի լուծման տարբերակների հետ կապված: Երբ փորձաքննության արդյունքները լինեն, մենք դրանք առաջին հերթին կքննարկենք համայնքների բնակիչների հետ: