ԵԱՀԿ գլխավոր քարտուղարը հրաժարվել է մեկնաբանել Ուկրաինայում ռազմական դրության սահմանումը

ԵԱՀԿ գլխավոր քարտուղար Թոմաս Գրեմինգերը РИА Новости-ին տված հարցազրույցում ասել է, որ հետևում է Ուկրաինայում ներքին իրադարձություններին, սակայն չի մեկնաբանել Կիևի կողմից ռազմական դրություն սահմանելու մասին որոշումը:

«Ես տեսել եմ Ուկրաինայում կատարվող ներքին իրադարձությունների մասին լուրերը, այդ թվում` Գերագույն ռադայի կողմից երկրում ռազմական դրություն սահմանելու որոշմանը աջակցելու մասին:  Մենք շարունակում ենք հետևել Ուկրաինայի ներքին իրադարձություններին, սակայն ես մեկնաբանություններ չեմ ցանկանում տալ: Ինչպես ավելի վաղ ասացի` ներկայումս անհրաժեշտ է նվազեցնել լարվածությունը, դա է իմ գլխավոր ուղերձը»,- ասել է նա:

Ռուս-ուկրաինական հարաբերությունները սրվել են այն բանից հետո, երբ ուկրաինական 3 նավեր խախտել են ՌԴ-ի սահմանը և ձերբակալվել: Ուկրաինայում կատարվածից հետո ռազմական դրություն է հայտարարվել: