Հրապարակվել է ՆԱՏՕ-ի` Թուրքիային քննադատող առաջին պաշտոնական զեկույցը

Հրապարակվել է ՆԱՏՕ-ի Խորհրդարանական վեհաժողովի անվտանգության քաղաքացիական բաղադրիչի հանձնաժողովի զեկույցը, որում Թուրքիան ներկայացվում է որպես ՆԱՏՕ-ի անդամ միակ անազատ երկիր: Այս մասին հաղորդում է «Արմենպրես»-ը:

Զեկույցում հղում է կատարվել Freedom House-ին և նշվել, որ Թուրքիան նաև աշխարհի անազատ երկրների շարքում է:

Զեկույցում քննադատվել են նաև 2016 թ. ռազմական հեղաշրջման փորձից հետո Թուրքիայում գրանցված կադրային ջարդն ու զանգվածային ձերբակալությունները: Շեշտվել է, որ Թուրքիայում 2017 թ. տեղի ունեցած սահմանադրական փոփոխությունների արդյունքում նախագահ Ռեջեփ Թայիփ Էրդողանի լիազորություններն անհամեմատ ընդլայնվել են, և որ համեմատած մյուս նախագահական հանրապետությունների հետ՝ այստեղ իշխանությունը հավասարակշռված չէ: