Գործարքը գրեթե մեր ձեռքում է. Մեյ

Brexit-ի համաձայնագրի վերաբերյալ բանակցությունները վճռական փուլ են մտել: Այդ մասին հայտարարել է Մեծ Բրիտանիայի վարչապետ Թերեզա Մեյը. հայտնում է Евронюз-ը:

«Բրիտանիայի ժողովուրդը ցանկանում է, որ համաձայնագիրը վերջապես հավանության արժանանա: Նրանք հանդես են գալիս գործարքի օգտին, որը լուսավոր ապագա է երաշխավորում… Գործարքը գրեթե մեր ձեռքերում է, և սպասվող երեք օրերի ընթացքում ես կանեմ ամեն բան, որպեսզի բաց չթողնեմ այն»,- ասել է Մեյը:

Կիրակի օրը Մեյը և ԵՄ երկրների ղեկավարները պետք է հավանություն տան վերոհիշյալ համաձայնագրին և Լոնդոնի ու Բրյուսելի հետագա հարաբերությունների վերաբերյալ քաղաքական հռչակագրին: