Համաներմամբ դուրս եկածներից մեկը երեկ նորից կատարել է հանցագործություն. Վալերի Օսիպյան

Այսօր լրագրողների հետ ճեպազրույցում ՀՀ ոստիկանապետ Վալերի Օսիպյանը նշեց, որ համաներումը դեռևս չի ազդել հանրապետությունում հանցագործությունների թվի աճի վրա։

Լրագրողների դիտարկմանը՝ ի՞նչ է նշանակում «դեռևս»-ն ու ի՞նչ ժամկետներ է ենթադրում, Օսիպյանն արձագանքեց.

«Ցավոք, փորձը ցույց է տվել, որ լինում են դեպքեր, երբ գրանցվում են կրկնահանցագործություններ։ Արդեն իսկ ունենք երեկ գրանցված անձնական ունեցվածքի գողության դեպք, երբ համաներմամբ դուրս եկածը նորից կատարել է հանցագործություն։ Իհարկե, տա Աստված, որ բոլորն ուղղված լինեն, բայց, կարծում եմ, բոլորի դեպքում չի կարող այդպես լինել, լինելու են մարդիկ, ովքեր նորից հայտնվելու են ՔԿՀ-ներում»,-ասաց Վալերի Օսիպյանը։