Ձեզ զգուշացրինք, բայց դուք զինվեցիք լոլիկներով. Վալերի Օսիպյան

Արդեն հայտնել ենք, որ այսօր էլեկտրաէներգիայի թանկացման դեմ բողոքի ակցիայի ժամանակ ոստիկանները բերման են ենթարկել ՀՅԴ-ական մի շարք ակտիվիստների: Այս պահին ՀՀ ոստիկանության Երևան քաղաքի վարչության Կենտրոնական բաժնի դիմաց հավաքվել են տասնյակ ակտիվիստներ, ովքեր պահանջում են ազատ արձակել իրենց` բերման ենթարկված ընկերներին: Ոստիկաններն այստեղ ևս պատ են կազմել ու ցուցարարներին թույլ չեն տալիս մոտենալ շենքին:

Երևանի փոխոստիկանապետ Վալերի Օսիպյանը, դիմելով ցուցարաններին, ասաց. «Ձեզ հազար անգամ զգուշացրեցինք, բայց դուք ձվեր նետեցիք, հետո` զինվեցիք լոլիկներով»:

Նշենք, որ այս պահին Կենտրոնականի բաժնում գտնվող ցուցարարները, նախնական տվյալներով, 7-ն են: