ՎՊ-ն ստուգումներ է իրականացնում Ագրարային համալսարանում և Էջմիածնի քաղաքապետարանում. Դավիթ Սանասարյան

Կառավարության նիստից հետո պետական վերահսկողական ծառայություն պետ Դավիթ Սանասարյանը լրագրողների հետ ճեպազրույցում նշեց, որ եկող շաբաթ ՎՊ ստուգումների մասով վարչապետին կներկայացվի երկու ուսումնասիրություն, որոնք կատարվել են Ագրարային համալասարանում և Էջմիածնի քաղաքապետարանում:

«Բազմաթիվ ուսումնասիրություններից ու խախտումներ հայտնաբերելուց հետո մենք գտնվում ենք պատճառած գումարային վնասները հետ վերադարձնելու գործընթացի մեջ»,- ասաց նա:

Սանասարյանը նաև հայտնեց, որ «Հայրենիք-Սփյուռք» ՊՈԱԿ-ից արդեն 48 միլիոն դրամ է վերադարձվել պետական բյուջե, «Մերոնք» հաղորդաշարի հետ կապված կան խնդիրներ, իրավապահները հիմա այդ հարցով են զբաղվում, խնդիրներ են հայտնաբերվել նաև «Լուսանշան» ՊՈԱԿ-ի և «Բարձրավոլտ էլեկտրացացներ ընկերության գործունեության մեջ: «Առաջիկա երեք ամիսների ընթացքում 1 միլիարդ ու կես դրամ գումար հետ է բերվելու բյուջե»,- ասաց Դավիթ Սանասարյանը: