Նարեկ Սարգսյանը շուտով կհայտնվի ոստիկանության տեսադաշտում. Օսիպյան

ՀՀ երրորդ նախագահ Սերժ Սարգսյանի եղբորորդին` Նարեկ Սարգսյանը, շուտով կհայտնվի ոստիկանության տեսադաշտում: Այս մասին այսօր լրագրողներին հայտնեց ՀՀ ոստիկանապետ Վալերիյ Օսիպյանը` հավելելով, որ առայժմ մանրամասներ չի կարող հաղորդել: «Մենք համագործակցում ենք Ինտերպոլի հետ, և կարող եմ ասել, որ նա շուտով կհայտնվի մեր տեսադաշտում»,-նշեց ոստիկանապետը:

Հիշեցնենք, որ 31-ամյա Նարեկ Սարգսյանը միջպետական հետախուզման մեջ է, իսկ նրա անվտանգության ղեկավար` 28-ամյա Արտեմ Պողոսյանը կալանավորված է այլ քրեական գործի շրջանակներում։

Սարգսյանը մեղադրվում է 49-ամյա տղամարդու առևանգելու, ծեծի ենթարկելու մեջ: Նարեկ Սարգսյանին պատկանող բնակարանի խուզարկությամբ ԱԱԾ-ն հայտնաբերել էր խոշոր չափի թմրանյութեր, ինչպես նաեւ զենք-զինամթերք: