Թուրքիան անընդունելի է համարել ԱՄՆ-ի կողմից հնչեցվող սպառնալիքները

Թուրքիայում տեղի է ունեցել ազգային անվտանգության խորհրդի նիստ, որը ղեկավարել է Թուրքիայի նախագահ Ռեջեփ Թայիփ Էրդողանը։ 

Ըստ Yeni Safak-ի` 5 ու կես ժամ տևած նիստի ընթացքում  քննարկվել են թուրք-ամերիկյան լարված հարաբերություններին, Սիրիայում տիրող իրավիճակին, ինչպես նաև Թուրքիայի կողմից ահաբեկչական համարվող կառույցների դեմ պայքարին առնչվող հարցեր։

Նիստի ընթացքում անդրադարձ է եղել նաև վերջին օրերին ամերիկացի պաշտոնյաների կողմից Թուրքիայի հասցեին հնչեցված սպառնալիքները պատժամիջոցներ կիրառելու հարցում, քանի որ Անկարան առայժմ ազատ չի արձակում կալանավորված ամերիկացի հոգևորական Էնդրյու Բրանսոնին։

Թուրքիան անընդունելի է համարել ԱՄՆ-ի կողմից հնչեցվող սպառնալիքները: