ՃՏՊ` «Ռենեսանս» ռեստորանի մոտ

Հուլիսի 16-ին, ժամը 12:54-ին «911» ծառայությանը տեղեկություն է հաղորդվել, որ Երևան քաղաքի Շիրակի փողոցում՝ «Ռենեսանս» ռեստորանի մոտակայքում, տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ բախվել են «ԿամԱԶ» մակնիշի ջրատար (վարորդը՝ Ա. Պ., ծնված 1991 թ.) և «Ford Explorer» մակնիշի ավտոմեքենաները (վարորդի ինքնությունը չի հաջողվել պարզել):

Մինչ փրկարարների՝ կանչի վայր հասնելը, «Ford Explorer» ավտոմեքենայի վարորդը և ուղևորը հոսպիտալացվել են «Էրեբունի» ԲԿ:

Փրկարարները հոսանքազրկել են «Ford Explorer» մակնիշի ավտոմեքենան և փակել գազի բալոնի փականը: