Փրկարարական աշխատանքներն ավարտված են`Կխաո Լուանգ քարանձավից դուրս բերեցին 12 երեխաներից վերջինին ու նրանց մարզչին

Թաիլանդում 2 շաբաթից ավելի Կխաո Լուանգ քարանձավում ջրհեղեղի պատճառով թակարդված 12 դպրոցականների և նրանց 25-ամյա մարզչի տարհանման աշխատանքները պսակվեցին հաջողությամբ. փրկարար-ջրասուզակները քարանձավից դուրս բերեցին վերջին դպրոցականին ու մարզչին. ըստ ТАСС-ի` հայտնում է Spring News հեռուստաալիքը:

Հուլիսի 8-ին և 9-ին ջրասուզակներին հաջողվել էր չորսական երեխա դուրս բերվել քարանձավից, իսկ այսօր` նաև երեխաներից 3-ին:

Հիշեցնենք, որ հունիսի 23-ին ֆուտբոլային ակումբից 11-16 տարեկան 12 դպրոցական և նրանց 25-ամյա մարզիչը գնացել էին Կխաո Լուանգ քարանձավը, սակայն հանկարծակի հորդացած անձրևը հեղեղել էր քարանձավի մուտքը: