Բայց ես ինչո՞ւ պետք է հարցաքննվեմ. Նաիրա Նահապետյանը՝ «Երևան» հիմնադրամի քրեական գործի մասին

ՀՀԿ խմբակցության անդամ Նաիրա Նահապետյանը լրագրողների հարցին, թե «Երևան» հիմնադրամի քրեական գործով ինքը հարցաքննության կանչվե՞լ է, հարցով պատասխանեց. «Իսկ ես ինչո՞ւ պետք է հարցաքննվեմ»: 

Դիտարկմանը` «Երևան» հիմնադրամի հոգաբարձուների խորհրդի անդամ է, նա պատասխանեց, որ, բացի իրենից, ևս 12 անդամ ունի խուրհուրդը: «Չարաշահումները մեզ հետ կապ չունեն, իսկ մնացած բոլոր հարցերին իրավապահ մարմինները կպատասխանեն»,- ասաց Նահապետյանը:

Հարցին՝ արդյո՞ք պատկերացում ունեցել է, որ Տարոն Մարգարյանը նման ահռելի ունեցվածք ունի, Նահապետյանը խուսափեց պատասխանել՝ կրկնելով, որ իրավապահ մարմինները կտան այդ հարցերի պատասխանները: